الأنباط -
*إياك أن تحارب الدين وأنت تحارب التطرف* !
بقلم نضال انور المجالي
الحكي اللي أطلقه الباشا حسين المجالي بخصوص مقولته العميقة: (إيّاكَ أن تحارب الدين وأنت تحارب التّطرّف)، مش مجرد جملة عابرة، هاي خلاصة فكر واعي وخبرة وطنية وأمنية حقيقية.
لمّا الواحد يتأمل بهاي العبارة، بيلقى إنها بتلمس الجرح بدقة؛ فالمعركة ضد التطرف والفكر الضال واضحة، بس الخطير هو إنّ بعض الناس -عن جهل أو تعمد- يخلطون الحابل بالنابل، ويصيروا يحاربون شعائر الدين وثوابته بحجة محاربة الغلو. وهون الطامة الكبرى، لأنك هيك بتقدم خدمة جليلة للمتطرفين نفسهم، وبتعطيهم المبرر اللي بيدوروا عليه عشان يضحكوا على عقول الشباب ويصوروا للناس إن الدين مستهدف.
الإسلام الحنيف بريء من التطرف، ومحاربة الأفكار الهدامة ما بتصير أبداً بالنيل من الهوية الدينية للمجتمع أو محاربة القيم والأخلاق اللي تربينا عليها. وعينا الوطني والأمني هو اللي بيخلينا نفرق بين الدين السمح اللي بنعتز فيه، وبين الفكر المنحرف اللي بده يخرب الديار، ويثبت إن قوة المجتمع بتمسك بدينه ووطنه وثوابته الراسخة بعيداً عن أي عبث بهوية الأمة.
حفظ الله الأردن والهاشمين
رئيس النواب يلتقي سفير الاتحاد الأوروبي
