الخطوبة

الأنباط - ابراهيم محمود القادري
Benn.mkq@gmail.com
شو يعني الخطبة..!? يعني واحد ما كنت بتعرفه قبل اسبوع و اليوم بيجي بقلك يزم وين اختك ناديلي اياها.. يعني بس تيجي بتفوت لابسة بلوزة وبنطلون وبقلها وك حليانة -وهي طبعا قال انه خجلانة.. وعادي انت قاعد ومبسوط لا وبتطلع عشان ياخذوا راحتهم لااا وقبل ماييجي بتكون متهاوش انت وياها وشامطيتك بهدلة طالعة من شبك راسك والحارة كلها فزعت ع صوتها وبس يبجي بتتغزل فيها قدامه وبتقله يزم نفسي اسع صوتها نفسي اعرف صوتها تخين ولا رفيع.. يعني بس تقرفك وتزهق منهابترن عليه بتقله شو اشتقنالك بدكيش تيجي تشوف خطيبتك يزم اذا انا اشتقتلك.. لاااا ومش هون المشكلة المشكلة انه المسكين مصددق..!! يعني بتقلها انتي مش خطبتي يلا روحي خدي اواعيكي من عندي انا ماصدقت متى تخطبي عشان يصير في وسع بالخزانة واخد راحتي بالغرفة.. يعني بتقلها وك لااا مش هاد الروج تحطي حط الروج الي جبته بيطلع ازبط مع كعب كندرتك وك يطفي زوقك البسي هاد الخاتم مع الجرابات الصفر احلى.. وبتطلع عليه بتقله شفت حبيبي لبستي هي مبينه طقم صح بس انا اشتريتها ولبقتها لحالي.. يعني بقله وك حل انت مش خطبت خلص قب عنا يزم احنا لويش خطبناك.. يعني صحابه الي هسه مروح من عندهم برنوله وبقولوه وينك يزم بطلت تبين..!! شوو حاكمتك.. يعني حبيبي اليوم عيد ميلادي.. حبيبي بكرة عيد ميلاد اخوي الصغير.. حبيبي زي هاد اليوم امي صارت حامل بحبيبتك ..حبيبي بكرة عيد الحب حبيبي الاسبوع الجاي عيد الفطر حبيبي اليوم عيد زواجنا ان شاءالله حبيبي اليوم المولد النبوي حبيبي بكرة عاشوراء.... طبعا ع كل مناسبة بدك تجيب هدية احلى من الي قبلها.. والف مبارك الخطوبة