تامر حسني يفاجئ عروسين بأمريكا.. والعروس تصاب بصدمة

نشر المطرب المصري تامر حسني عبر حسابه الشخصي على تطبيق "أنستقرام" مقطع فيديو، أثناء تحضيره لمفاجأة لعروسين في حفل زفافهما بلوس انجلوس بالولايات المتحدة الأمريكية.

وحضر تامر حسني حفل الزفاف وظل مختفيا، قبل أن يظهر للعروسين وسط دهشة الحضور.

وتسبب ظهور تامر المفاجئ في بكاء العروسين، ودخلت العروس في صدمة لدقيقتين نتيجة فرحتها بتلك المفاجأة.

وأرفق تامر حسني الفيديو بتعليق قائلا: "نادين وديفيد كان فرح غنيت فيه النهاردة في أمريكا لوس أنجلوس، حقيقي كان من أجمل الأفراح عشان الجميل إن والدة العريس كانت متفقة معايا وعاملة مفاجأة ليهم من غير ما يعرفوا وفهمتهم إني مش هاجي ومش فاضي".

وأضاف: "هما اصلاً كانوا حاطين أغنيتي (ميحرمنيش منك) لرقصتهم الأولى ومكنوش متخيلين إني موجود لحد ما دخلت فاجئتهم، وزي ما أنتوا شايفين فرحتهم جميلة قد إيه وفعلاً غالية عندي أوي".

واختتم تعليقه بالقول: "عايز أقولهم حبكم ليا أثر فيا أوي طول الفرح وأنا كمان حبيتكم جداً انتوا وكل ضيوفكم اللي بيحبوكوا.. بجد شكراً للي نظموا الخطة الجميلة دي أولهم والدة العريس الجميلة وأحمد عصام وتامر يحيى ومحمد شمس وربيع رضا وهاني هانز وميرنا وعقبال الجميع".