لابد من وقفة وطن مع رمز وعلم ورجال ..

الأنباط -

كل عام وأنتم والوطن بألف خير يا وجوه الخير 
الى من أمن بالله والوطن حصنا منيعا .... 

الاردن أبلج بالحق .. وطن اسمه الاردن ... وطن باسم الكرة الأرضية

قصتنا مع الوطن قصة.... وما هي مثل اي قصة
رحلتنا مع الوطن رحلة عمر ومشاركة في وضع أساساته ... واحنا والعسكر شواهد عليها
وان حاول البعض يحور على كيفه قصتنا مع الوطن ... روح وقصيدة وعلم ونظام ..

ان مر الوطن بالضيق ... صار الوطن أغلى وصار لابد من وقفة وطن مع رمز وعلم ورجال ... 
رافق سبع ... وما عمرك ترافق واوي ... وما عمر السبع ترك أهله وعزوته ....
وما عمر سهمنا بمواسم بيع انباع.... 

أحلى أشي في الدار حوشها وأجمل أشي في الدار وقفة رجالها ....وقفة سما بصقورها وعسكر عباب السور 
أحلى أشي في القرية ريحة حيطانها وأحجارها ...وأجمل حواديث سمعناها عن قصص وقصيد فعال عسكرنا ورجال بواريدهم عالكتف موشومة .... ريحة جدودنا وطول قاماتهم وحسن أخلاقهم.... 

احنا بيوتنا إلنا وكرامتها محمية بأهلها ... وما عمر أهلنا تركوا رسن ينقاد من غيرهم 
احنا ما انحرفنا يوم وما قبلنا همل يرعوا زرعنا 
حافظ الواحد فينا على عهد الوفى لأهل الوفى
واحنا وطنا....وطن فكر وعلم .. وما عمرنا قبلنا حدى يعلمنا كيف نفهم دينا وكيف تكون صلاتنا 

صاحب شهادة وفكر انحرف وصار يسعى ورا تراب ديرتنا شو ما كان الثمن ...وبدا يهذرب ويعلمنا كيف تكون صلاتنا......نسي انه الوطن أنبى فينا ومع أهلنا ومع الملك عبدالله الاول والملك طلال والملك حسين ( رحمة الله عليهم ) والملك عبدالله الثاني بن الحسين حماه الله ... 

يا حلم أهلنا ويا زين صبرهم ...اللي ما في يوم حتى اللي خالفنا الرأي واتامر علينا ... شارك جمعنا ليكون رفيقنا... وهذا الحلم لم الوطن على قسم... 

أني لاقسم بالاله .... قسما تخر له الجباه...
أني لاقسم بالمليك ......وللبلاد مدى الحياة...
قسما بمن رفع السماء.... بغير ما عمد تراه....
أن لا أنام على الظلام..... ولن أسير على خطاه...
وان أفتدي وطني بروحي.....عاشت الروح فداه...