*بين كراسي بتغرق ومكاتب بتبني وطن* !
- Publish date :
Wednesday - pm 08:46 | 2026-08-26
Alanbatnews -
*بين كراسي بتغرق ومكاتب بتبني وطن* ! بقلم نضال انور المجالي خاص الانباط....
تعال نتأمل هالمشهد شوية يا رعاك الله.. المشهد مش مجرد ديكور وأثاث، المشهد بيلخص الفتاق بين اللّي جاي يشتغل، وبين اللّي جاي يقعد على الكرسي!
بتدخل على مكتب سمو ولي العهد، المكان اللّي بتطلع منه قرارات كبيرة وتفاصيل بلد كاملة، بتتفاجأ بالبساطة! مكتب متواضع، جهاز كمبيوتر قباله عشان يتابع الأرقام والواقع، ودلة قهوة عربية بتعكس أصالة وهيبة هاديّة. لا بهرجة، ولا مبالغة، ولا ديكورات بالآلاف. الرسالة واضحة وما بدها تفسير: "الزلمة هو اللّي بيعمل للمكان قيمة، مش الكرسي!"
وفي المقابل.. بتدخل على مكتب مسؤول "على قد حاله" في مؤسسة خدمية، بتفكر حالك دخلت "حارة" مش مكتب! سجاد بفوت فيه المتر، وكراسي جلد ضخمة المسؤول نفسه بضيع فيها وما بتشوف منه غير رأسه، وديكورات مكلّفة الموازنة مبالغ خيالية بس عشان يحسس حاله بالهيبة!
أي انفصام هذا؟
القيادة الحقيقية مركزة على الشغل والإنجاز والنتيجة على الأرض، بينما البيروقراطية اللّي عنا شاطرة بس بالمنظرة والشكليات والقشور.
مكتب ولي العهد: كمبيوتر ودلة ومكتب بسيط.. يعني: "حنا هون حتى نشتغل ونخدم الناس".
مكتب المسؤول: فخامة ومساحات وكراسي بتغرق.. يعني: "شوفوني أنا المسؤول وأنا صاحب السلطة!"
شتان يا صاحب السعادة.. شتان بين اللّي شايل همّ البلد ببساطة الكبار، وبين اللّي متخبي ورا فخامة الأثاث حتى يغطي على ضعفه وقلة إنجازه!
العظمة عمرها ما كانت بكبر المكتب ولا بنوع الكرسي، العظمة بالفكر والشغل النظيف. ويا ريت بعض مسؤولينا يستوعبوا هالدرس من مكاتب قادتهم، حتى نخلص من "هيبة الديكورات" ونبلش بـ "خدمة العالم صح"!حفظ الله الاردن والهاشمين
Royal Jordanian Following Up on Crew Bus Collision in New York
